Ek Kavita Meri Jaisi

Kabhi kabhi mere dil mein khayal aata hai

Ki mai ek kavita hu...

Kabhi main dhaara ki tarah behti chalti hu

To kabhi shuru hote hi khatm ho jaati hu.

Kabhi kabhi kisi ko khush kar deti hu

To kabhi aankhon main aansu bhar deti hu.

Kabhi kabhi aasaani se bhula dete hai mujhe

To kabhi kisi ke dil ka kona hadap leti hu.

Kabhi kabhi mai samajh nahi aati

To kabhi kisi ke labon par bas jaati hu.

Kabhi kabhi aasha ki nayi umang deti hu

To kabhi zindagi ka wo panna ban jaati hu jo fir kabhi shayad hi khule.

Shayad har ek insaan ek alag kavita hota hai

Par jitne bhi alag kyu na ho

Har kavita apne hi andaaz mein sundar hota hai.

- love, pagesbyankita